- La Banca naziunala svizra SNB ha il 2023 puspè fatg ina perdita.
- Uschia na datti sco gia l'onn avant nagins daners da la banca per la Confederaziun ed ils chantuns.
- Ils quints definitivs da la banca naziunala mussan per l'entir onn 2023 ina perdita da 3,2 milliardas francs. L'onn avant era il minus stà passa 132 milliardas.
La perdita da 3,2 milliardas francs n'è nagina surpraisa. Gia l’entschatta da l’onn aveva la banca naziunala communitgà ch’ella haja fatg in minus da radund trais milliardas francs. Sco gia l’onn passà na survegnan Confederaziun e chantuns uschia puspè nagins daners da la banca naziunala. Er ils acziunaris na survegnan nagina dividenda quest onn. In effect negativ sin il resultat hajan cunzunt gì las posiziuns en francs svizzers e l'effectiv en aur.
