Cifras da cunfinaris - Dapli cunfinaris han lavurà en Svizra

En il terz quartal han lavurà 3,1% dapli cunfinaris en Svizra, cumpareglià cun il medem temp da l’onn avant. Tenor las cifras da l’Uffizi federal da statistica èn quai bundant 353’000. In zic dapli che la mesadad da las cunfinarias e cunfinaris (54,9%) stattan en Frantscha. Sin il segund e terz plaz èn cunfinaris che vegnan da l’Italia (24,2%) e da la Germania (17,9%). Ils ultims 5 onns è la cumpart dals cunfinaris en Svizra creschì per 13%.