Tar in culp da chametg durant in gieu da ballape ad Abtwil en il chantun Son Gagl èn 14 giuvenils vegnids blessads. In chametg saja dà en en ina pitga d'ina cazzola e saja silsuenter sa derasà sin la plazza da ballape – ha declerà Hanspeter Krüsi, pledader da la Polizia chantunala.
video
Il pledader da la polizia, Hanspeter Krüsi, davart il chametg
Or da News-Clip dals 22.09.2020.
laschar ir. Durada: 34 Secundas.
En consequenza èn plirs giuvenils vegnids tutgads dal current. La Rega ha sgulà in dals giuvenils a l'ospital. Er ils ulteriurs 13 giuvenils èn vegnids manads per ina controlla a l'ospital. Ils giuvenils hajan tuts tranter 15 e 16 onns.
In ulteriur chametg haja tutgà ina chasa. Ils pumpiers sajan stads en acziun per stizzar las flommas. Tar quel chametg èn naginas persunas vegnidas blessadas.