A la staziun da Däniken en il chantun Soloturn ha la polizia franà la gievgia saira in tren dad Intercity. Radund 200 passagieras e passagiers han stuì bandunar il tren. Silsuenter èn ils vaguns vegnids intercurids da chauns. Sco la polizia ha communitgà il venderdi a bun'ura baud na saja vegnì chattà nagut.
La smanatscha era vegnida d'in um da 49 onns. Quel era s'exprimì envers auters passagiers davart ina explosiun e quella pretensiun è vegnida interpretada sco ina periclitaziun, uschia che la polizia ha franà ed evacuà il tren.
Sco mesira preventiva ha la polizia arrestà l'um. Il traffic da tren tranter Olten ed Aarau è stà interrut la gievgia saira tard.