La Procura publica federala aveva annunzià gia la stad da vulair appellar la sentenzia che Joseph Blatter e Michel Platini na sajan betg culpants. Suenter che la procura publica ha examinà l'argumentaziun da la sentenzia, pretenda quella che la sentenzia vegnia revedida. Ina nova procedura pudessi uschia dar l'onn proxim.
Blatter, ch'è stà blers onns il president da la FIFA e Platini, l'ex schef da la federaziun europeica, UEFA, ha il Tribunal penal federal sentenzià il fanadur e declerà el sco betg culpants. En l'accusaziun èsi ì per la renfatscha che Blatter haja pajà al franzos il 2011 ina summa betg giustifitgada da radund 2 milliuns francs. La dretgira n'ha dentant vesì nagins indizis che quest pajament saja stà illegal. Il tribunal ha concedì als dus umens indemnisaziuns da total radund 220'000 francs.
Or da l'archiv:
Suenter la sentenzia dal fanadur era Joseph Blatter stà fitg cuntent dal resultat. El haja adina sincerà ch'el na saja betg culpant.