Praticamain en l’entir Tessin e vastas parts dal Grischun dal Sid saja vegnì registrà il december il pli pauc sulegl, dapi l’entschatta da las mesiraziuns. Ordvart extrema saja la situaziun stada sur la Cimetta sur Locarno. Là hai dà il december 54 uras da sulegl. Fin ussa era il december dal 2002 stà il mais cun las pli paucas uras sulegl, cun 85 uras da sulegl.
Gnanc in soli radi il 2021
En il Giura sin il Chasseral hai medemamain dà in record negativ – cun be nov uras e nov minutas sulegl il december, scriva SRF Meteo. L’onn nov n’hai anc dà gnanc in singul radi da sulegl là.
Er en la Bassa èsi però stà fitg grisch. En il chantun Argovia hai sulet dà 11 uras sulegl.