Il detaglist Migros ha fatg l’onn passà ina svieuta da 28,9 milliardas francs. Cumpareglià cun l’onn avant è quai in zic pli pauc (29,8 milliardas francs il 2020). D’attribuir saja quai surtut a venditas da participaziuns e d’immobiglias. Senza quai fiss la svieuta schizunt s’augmentada per 2%. Quai ha communitgà Migros.
Cunzunt la vendita online prospereschia. Migros haja nudà en quest sectur ina svieuta da record da 3,2 milliardas francs. Quai è in plus da 15,6% en congual cun l'onn avant. Il purschider Galaxus, che tutga tar la gruppa da Migros, ha per l'emprima giada fatg ina svieuta da pli che 2 milliardas francs.
Ord l'archiv
L'onn passà ha Migros avrì sia emprima filiala en l'Engiadina.