Il barometer da conjunctura dal KOF è sa sbassà il matg per ulteriurs 6,5 puncts sin in nivel bass istoric da 53,2 puncts. Uschia è il nivel quasi sa smesà dapi l'entschatta da l'onn. Sco l'Institut per la perscrutaziun da la conjunctura KOF scriva, hajan l'avrigl tuttas gruppas indicaturas tratg a bass il barometer.
Il matg hajan singulas gruppas sco il consum privat u l'industria da construcziun puspè mussà cifras positivas.
Barometer da conjunctura KOF
Avrir la boxSerrar la box
Il barometer da conjunctura KOF è in indicatur tempriv per il svilup da l'economia en Svizra. I sa tracta d'in indicatur collectiv che sa cumpona da numerus singuls indicaturs. Quels vegnan tras la statistica resumads tar in indicatur cumplessiv.