Bad Ragartz – las sculpturas - Art avra il horizont

Art possia dar indicaziuns co ins possia viver la vita, alternativas ch'ins na survegnia uschiglio betg. Art avria il horizont. Quai di l'istoricher d'art Marc Antoni Nay durant il viadi tras l'exposiziun da sculpturas Bad Ragartz. Bunamain 90 artistas ed artists internaziunals èn vegnids per exponer. L'entschatta, là stuevian els anc clamar ed ir a la tschertga dals artists e las artistas, di Esther Hohmeister, la confundatura da l'exposziun. Ussa, 24 onns suenter l'emprima exposiziun, saja quai il cuntrari.

Il viadi cun l'istoricher d'art Marc Antoni Nay è in viadi a la tschercha da chapir, da sa laschar inspirar e forsa d'anflar in nov access a l'art. In access per mintgin e mintgina, perquai ch'il sulet ch'i dovria, saja temp e sa laschar en sin las sculpturas. A Bad Ragaz pon ins era tutgar en l'art, ins po sa mover atras ed uschia sentir il spazi.