Ils tschintg projects da votaziun han motivà bleras Svizras e blers Svizzers d'ir a l’urna. Prest 60% ha fatg diever dal dretg da votar. E questa mobilisaziun po esser ina da las raschuns che l’avantatg respectabel da 56% en la davosa retschertga il cumenzament da settember è sa sminuì ad in avantatg da mo pli circa 8’500 vuschs.
Ils adversaris da la sanestra han argumentà tacticamain prudent cun betg metter en dumonda il basegn da novs aviuns da cumbat mabain da crititgar la summa ch’ins vul dar ora. Da l’autra vart ha la cussegliera federala Viola Amherd analisà da rudent la terrada cun il Gripen ed evità da far ils medems sbagls. Averta è la rolla che las dunnas han giugà per il stretg Gea.
Adrian Camartin
Correspundent Chasa federala