Envers SRF News ha Armin Capaul, il pur da muntogna ed iniziant da l'iniziativa per las vatgas cun corna confirmà, ch'el saja pront per cumpromiss: Per Armin Capaul fissi en urden sche la confederaziun faschess quai cun mo 15 milliuns francs e betg cun 30 milliuns francs sco che l'iniziativa prevesa. El retiria però be l'iniziativa sch'il parlament menziuneschia en la lescha explicitamain ch'ins stoppia tegnair bain las vatgas. Vul dir che las vatgas stoppian er durant l'enviern pudair sa muventar en il liber e la stad sin pastgira.
La cumissiun propona cuntraproposta indirecta
La cumissiun cusseglia d'elavurar ina lescha sco cuntraproposta indirecta tar l'iniziativa. Quai è ina proposta pli concilianta che quella dal Cussegl dals chantuns. Il Cussegl dals chantuns aveva fatg la proposta da refusar l'iniziativa senza cuntraproposta.
RR novitads 17:00