La Svizra ha il 2019 importà var 260'000 tonnas soja, ina mesadad da l'Europa e l'autra da la Brasilia. Dapi diesch onns sa stenta la Rait Soja Svizra per ina producziun da soja persistenta ed ha uss tratg bilantscha en in studi.
Criteris han effect
Schebain soja vegn cultivà persistent valitescha la rait sin basa da criteris. L’onn 2015 eran quai 94%. Per exempel na dastgan lavureras e lavurers betg vegnir nizzegiads ora ed i na dastga betg vegnir runcà guaud per producir soja. Tenor il studi mussan tals criteris effect. Producents e concerns agrars s’adatteschian a la dumonda da la Svizra era sche la quota da participaziun al martgà da la Svizra è plitost pitschen. Ils perscrutaders cusseglian da sviluppar ils criteris.
