L'uniun tetgala Bio Suisse tschertga 15'000 hectaras surfatscha per ers. Cun quai vul ella proveder avunda per la dumonda suenter products da bio. Ed i dovria 500 manaschis che midian sin bio, tenor Bio Suisse.
Per midar sin bio dovria i dus onns. Intginas culturas ch'èn spezialmain dumandas possian schon vegnir vendidas cun l'etichetta da bio: furment da moler, soja, tirc da moler, pavel sitg e furment da pavel, tranter auter.
