En stgars in quart da las 1'472 provas èn limitas da toleranza vegnidas surpassadas. Quai resorta dal rapport annual da l'Institut da perscrutaziun Agroscope.
Tar quasi 4% dal pavel d'animals èn vegnids constatads manglaments gravants sco salmonellas. Tar ina part da las contestaziuns vai mo per pitschens sbagls da decleraziun.
Er pavel d'animals da chasa è vegnì controllà. Là n'adempleschan 24% da las 161 provas betg las prescripziuns.
RR novitads 16:00