Agid svizzer per la muntogna - Focus sin energia locala

L'onn passà ha l'agid da muntogna rimnà cun donaziuns 35,6 milliuns francs. Cun quels ha la fundaziun gidà a finanziar 613 projects en las regiuns da muntogna. I sa tracta da projects en l'agricultura, en il turissem, en la mastergnanza, en il guaud, en la scolaziun, en la sanadad sco era en l'agid d'urgenza u projects d'energia. E quels, ils projects d'energia locala e persistenta, duain survegnir quest onn in pli grond focus ha ditg il CO-CEO da l'Agid svizzer per la muntogna Kurt Zgraggen. Cun tals projects pon ins duvrar las resursas localas, stgaffir plazzas da lavur ed era agir encunter il stgaudament dal clima che saja oravant tut da recepir en las regiuns da muntogna.

Ils pli blers raps van en las regiuns muntagnardas da Berna. E lura suonda il Grischun. L'onn passà han projects or dal Grischun survegnì passa 5,5 milliuns francs. Quai correspunda ad 1/7 da tut ils raps ramassads. Kurt Zgraggen fa quint ch'era il 2020 resta la summa en quel rom. Forsa perfin che quella s'augmenta cun quai che l'Agid svizzer per muntogna ha onn per onn pudì augmentar il dumber da donaturas e donaturs.

RTR actualitad 17:00