La Svizra duai puspè cuntinuar cun il program da fugitivs da l'ONU ch'era vegnì sistì. L'uschenumnà program da resettlement duai cuntinuar ils proxims dus onns, ha decis il Cussegl federal. La premissa saja però che la situaziun tar ils alloschis d'asil sa calmia.
Cun quest program duai la Svizra prender si ils proxims dus onns fin 1'600 fugitivs che dovran protecziun speziala. I va per persunas che sa chattan en ina situaziun precara en ils pajais d'emprima registraziun.
Il Cussegl dals chantuns era gievgia anc s'exprimì cunter il program da fugitivs. Il Cussegl naziunal era la mesemna s'exprimì per quest program, uschia che la moziun era giud maisa.