Accident mortal - Mainagestiun dal Stoos sentenzià
L'anteriur mainagestiun da las pendicularas Stoos è vegnì declerà culpant pervi da mazzament per negligientscha e pervi dad avair chaschunà pliras grevas e levas blessuras corporalas.
La dretgira districtuala a Sviz ha sentenzià l'anteriur mainagestiun a 10 mais cundiziunà. La raschun è in accident mortal cun ina sutgera, capità avant 3 onns. Ina persuna è morta e 3 eran vegnidas blessadas grevamain. Ina sutga da la sutgera – era collidada cun la suga da turn d'ina maschina da pista.
Dus ulteriurs emploiads ch'han stuì sa responsar avant dretgira èn vegnids declerads nun-culpants.
