Sch'insatgi dovra tgira intensiva pervi da Covid-19, na duai la vegliadetgna vinavant betg esser in criteri pro u contra. Questa regla ha confermà l'Academia svizra da las scienzas medicinalas, en vista a pussaivlas stretgas sin las staziuns intensivas. Er demenza u in impediment, na duain betg giugar ina rolla. Cun surlavurar las reglas ha l'organisaziun resguardà experientschas da l'emprima unda da la pandemia.
Fragilitad daventa in criteri
Da nov duai la fragilitad gidar da giuditgar il stadi general d'ina persuna. La stgala tanscha da fitg fit fin a muribund. Prioritara resta dentant la voluntad dal pazient.