Senza intervenziuns da la Confederaziun na dettia naginas abitaziuns cooperativas novas pli. Quai ha ditg la presidenta da la Federaziun cooperativa per la construcziun da chasas/abitaziuns Eva Herzog envers la «SonntagsZeitung».
Proposta da sustegnair las vischnancas
Tenor l’avis da la politicra da la Partida socialdemocratica duessi surtut dar contribuziuns da promoziun per las vischnancas, uschia che quellas possian cumprar terren e silsuenter dar quel a purtaders da construcziun d'util public. Fin uss dettia be emprests da la Confederaziun che stoppian puspè vegnir pajads enavos.
La federaziun mainia actualmain discurs cun la Confederaziun e cun l'Uffizi federal d'abitaziuns. Il matg dettia lura in discurs cun il cusseglier federal Guy Parmelin.