Tgi che vul cumprar ina chasa u ina abitaziun en Svizra sto il mument prender enta pugn damain daners ch'anc l'avust. Il settember èn ils pretschs per ils objects ch'èn stads scrits ora sa reducids levet. Chasas èn en media vegnidas vendidas per 0,1% pli bunmartgà abitaziuns per 0,2%, quai mussa l'index da Swiss Real Estate Offer.
Tar las abitaziuns da prender a tschains vesi però ora auter. Il settember èn ils pretschs anc ina giada creschids marcantamain. Tgi che tschertga actualmain ina abitaziun da prender a tschains paja en media 1% dapli ch'anc l'avust.