Tgi che parta in abunament da Netflix cun persunas che na vivan betg en la medema chasada, duai pajar dapli en l'avegnir. Parter contos e pleds-clav duai custar supplementarmain en passa 100 pajais, quai scriva Netflix sin sia pagina d’internet.
En Svizra per exempel sto in commember dad in conto che stat en in’autra chasada pajar supplementarmain 5 francs e 90 al mais. Tenor Netflix vegn il model nov testà gia dapi pli ditg. En il Canada saja el gia vegnì introducì. Cun questa mesira vul l’interpresa puspè conquistar dapli abunentas ed abunents.
