La Svizra ha puspè dumbrà dapli cunfinaris. La fin da december èn radund 393'000 persunas vegnidas regularmain sur ils cunfins en Svizra, per lavurar. Quai è in augment da passa 3%, cumpareglià cun il davos quartal dal 2022 – sco l'Uffizi federal da statistica scriva.
Passa la mesadad (57%) dals cunfinaris e cunfinarias vivan en la Frantscha, in quart (23,5%) vegn or da l'Italia e 16,5% da la Germania.
Il dumber da cunfinaris che vegnan en il Grischun a lavurar è restà cun passa 9'200 bunamain tuttina, sco la fin dal 2022. Quasi tut ils cunfinaris che lavuran en il chantun Grischun vegnan or da l'Italia.
audio
Par tadlar: Las novitads da las 10:00
ord RTR Audio dals 20.02.2024.
laschar ir. Durada: 2 minutas 57 Secundas.
