La Confederaziun sto destruir 10 milliuns dosas dal vaccin da corona da Moderna – quellas han surpassà la data da scadenza. Quant che quellas valan, na di l'Uffizi federal da sanadad BAG betg. Tenor ina funtauna dal Beobachter, possian ins dentant quintar cun 28 francs per dosa – pia totalmain 280 milliuns francs.
Per Marcel Dobler, cusseglier naziunal da la PLD da Son Gagl saja vegnì sfarlatà enorm daners ed il BAG haja prendì quai risico sapientivamain cun empustar tar plirs furniturs. El haja dentant era chapientscha per la decisiun, pervi da la situaziun malsegira da gliez temps.
Tenor il BAG na saja betg stà d'evitar da cumprar da memia, ins haja investì en differentas tecnologias, en cas ch'in product na fiss betg stà bun.
