Era regiuns turisticas pli pitschnas duain profitar dal sustegn. Ina contribuziun vegn dentant mo pajada, sche las destinaziuns cumpigliadas genereschan ulteriurs 80'000 francs cun lur project. Las mesiras planisadas duain vegnir realisadas communablamain cun Grischun Vacanzas e Svizra Turissem.
Sustegn per destinaziuns pitschnas
Sco quai che la regenza communitgescha, duain seguir ils proxims mais ulteriuras mesiras. Quellas duain surtut sustegnair destinaziuns pli pitschnas, uschia ch'er ellas pon sa far valair sin il martgà turistic. Cun quai realisescha la regenza in'incumbensa ch'il Cussegl grond ha approvà en la sessiun dal zercladur 2021.