La radunaza communala da Grüsch ha approvà il preventiv per il 2022. Tar expensas da radund 11 milliuns francs – quinta quel cun in minus da 370'000 francs. Ultra da quai ha il suveran da Grüsch decidì ch'il pè da taglia resta tar 90% da la taglia chantunala simpla.
Cussegl da scola
En il cussegl da scola è vegnida relegida la presidenta Irene Mir-Wehrli e da nov Andrea Pfanner-Bischof. Johannes Rupp-Willi haveva demissiunà.
Schwellenen
La radunanza ha approvà in credit brut da 120'000 francs per il project d'augmentar la valur ecologica da la regiun «Schwellenen». Il project prevesa ina cumbinaziun da differentas parts da terren ed in'utilisaziun extensiva dal spazi d'aua. Plinavant duai la biodiversitad vegnir promovida.