Il project da Conzett Bronzini partenaris prevesa ina punt ad artg d'atschal da 420 meters. La punt duai colliar directamain la via dal Güglia cun la via dal Scanvetg, sco er distgargiar il traffic dal quartier «Sand» a Cuira. Il project da Conzett Bronzini adempleschia il meglier ils criteris concepziunals. Il project correspundia sin plirs plauns a l'idea da persistenza. Plinavant saja la punt tranter tut quellas inoltradas, la pli curta ed il purtret giaja a prà a moda armonica cun il maletg dal lieu e la cuntrada.
Ils plans per la punt
-
Bild 1 von 4Legenda: Cusseglier guvernativ Mario Cavigelli en discurs. RTR, Gian Carlo Candinas
-
Bild 2 von 4Legenda: Il plan per la punt. MAD, Conzett Bronzini partenaris SA
-
Bild 3 von 4Legenda: La punt da surengiu. MAD, Conzett Bronzini partenaris SA
-
Bild 4 von 4Legenda: Ina visualisaziun da la punt, co ella vesess ora en la cuntrada. RTR, Gian Carlo Candinas
Cura che la punt po dentant propi vegnir construida stat anc en las stailas. Sche tut giaja bain, saja quai en 5-7 onns ha il cusseglier guvernativ Mario Cavigelli ditg envers RTR. Ina gronda dumonda è quantas protestas ch'i vegnia a dar encunter quest project. Plinavant n'è er la finanziaziun anc betg clera. Per exempel quant bler dals custs che la Confederaziun surpigliass. Mario Cavigelli stima custs da 50 fin 100 milliuns francs per la punt.
Project cun lunga isorgia
Gia l'entschatta dals onn 1970 han ins elavurà in project «Hochbrücke Plessur» per colliar la via dal Güglia cun la via d'Arosa. Quest project n'è però mai propi vegnì enconuschent. L'ultim project per la punt era vegnì annullà il 2008 sin basa d'ina sentenzia dal Tribunal federal.