- A Rueun hai dà ina greva collisiun cun plirs vehichels il venderdi suentermezdi. Latiers è ina persuna sa disgraziada, duas ulteriuras èn vegnidas blessadas per part grevamain. In camiun che charrava en direcziun Trun haja cumenzà a glischnar sin il vial bletsch. En in caraun è quel lura vegnì sdermanà enturn l'atgna axa ed è lura collidà cun in camper ed ina motociclista. Latiers èn il camiun ed il camper crudads da la spunda giuadora. La manischunza dal camper è morta anc al lieu. Sia figlia è vegnida blessada mezgrev e la motociclista grevamain. En consequenza da l'accident è la via stada serrada fin la saira a las 21:30. Il traffic è vegni svià sur Sursaissa.
- Las autoritads tessinaisas han fatg in'emprima bilantscha da las lavurs da salvament e da rumida suenter las grevas malauras en la Val Maggia avant trais emnas. 405 commembers da la protecziun civila hajan prestà en tut 1'850 dis da servetsch. Tranter auter hajan els evacuà persunas e repartì rauba en ils territoris isolads. Las lavurs da salvament e da rumida n'èn anc betg terminadas. Fin uss èn vegnidas chattadas las baras da sis persunas. Duas ulteriuras persunas valan anc sco sparidas.
- Il lutgader grischun Armon Orlik ha gudagnà la lutga sin il Weissenstein sur Solothurn. En la lutga finala ha Orlik fatg curtas cun Patrick Räbmatter e mess quel en il resgim cun l'emprima acziun suenter be 16 secundas. Sin il plaz 2 èn cun tuttina blers puncts Wicki, Joel; Schneider, Domenic; Reichmuth, Pirmin e Voggensperger, Lars.
video
Orlik fa curtas cun Räbmatter – 1 acziun aifer 16 secundas
Or da Sport-Clip dals 20.07.2024.
laschar ir. Durada: 1 minuta 6 Secundas.
Il di en survista
Themen in diesem Newsticker
- Tadej Pogacar dominescha vinavant il Tour de France
- Orlik, Armon fa curtas cun Räbmatter, Patrick
- Criminalitad organisada crescha en l'Europa
- Lobalu trimfescha sur 3000 m a Londra
- Grezia cun nov record da visitadras e visitaders
- Traffic aviatic puspè sa normalisà suenter pannas dad IT
- Colonnas tranter Cuira sid e Rehanau
- WHO appellescha da cumbatter il HIV
- Cussegl federal: repartiziun dals departaments ha consequenzas
- Rueun: collisiun cun plirs autos chaschuna in mort
- Accidents mortals dad alpinists en il Vallais e Tessin
- Racolta da frajas patescha da l'aura bletscha
- China: almain 11 morts senter punt sballunada
- Belarus: paina da mort cunter Tudestg
- Confiscà ina tonna cannabis en ils chantuns Berna e Friburg
- Emprima bilantscha suenter malauras en la Val Maggia
- In Tudestg condemnà a la mort en il Belarus
- Trump telefonescha cun Selenski
- Il squitsch sin Biden crescha
- Ils kinos nodan damain visitaders
