Novitads dals 18-07-2024 - Sclerì l’accident cun ina cabina da l’Arena Alva il schaner 2022
Il rapport dal Servetsch svizzer d’inquisiziun da segirezza areguard l’accident a Laax è sin maisa. Las autoritads dal Tessin annunzian d’avair chattà ina bara dapli. Milliardas da kilometers han autos fatg l’onn 2023 sin las vias naziunalas. Ed Ursula von der Leyen è reelegida.
Plirs sbagls hajan chaschunà l’accident cun ina cabina a Laax. Quai scriva il Servetsch svizzer d’inquisiziun da segirezza Sust. Tenor il rapport final era per exempel il sistem per mesirar la paisa da la cabina deactivà, ed il mainacabina n’era betg scolà bain.
Trais emnas suenter las malauras en il Tessin han ins chattà in’ulteriura unfrenda. La bara ch’era en il letg dal flum Maggia a Cevio, n’è anc betg identifitgada.
Svizzers e Svizras van puspè bler dapli cun auto. L’onn passà han ils automobilists fatg bunamain 30 milliardas kilometers sin las vias naziunalas.
Ursula von der Leyen è actualmain presidenta da la cumissiun da l’UE – ed ella resta era quai per la proxima perioda d’uffizi. Il parlament d'Europa a Strasbourg ha reelegì la cristiandemocratica da 65 onns cun in cler resultat.
Il di en survista
Themen in diesem Newsticker
Chattà in'ulteriura bara suenter malauras en il Tessin
Chattà restanzas d'in palaz papal durant lavurs da renovaziun
Ursula von der Leyen resta presidenta da la cumissiun da l'UE
Svieuta da Novartis è s'augmentada per 9%
Sustegn da l'armada en il Tessin vegn prolungà
Nov record tar la bilantscha commerziala
Procura publica federala accusa in um algerian da terrorissem
Dapli traffic sin via 2023
5% dapli paja pretenda societad d'emploiadas ed emploiads
Rapport davart la collisiun d'ina gondla
Emprim radar da canera ha funcziunà
Dapli investiziuns dal maun public, damain da vart privata
