- Ils gieus olimpics han cumenzà cun la gronda festa d'avertura. Venderdi saira curt avant las 11 ha il president franzos Emmanuel Macron declerà averts ils gieus. Avant eran las 206 naziuns che prendan part als gieus olimpics idas cun bartgas sin la Seine tras Paris. A partir da sonda ed enfin ils 11 d’avust cumbattan atletas ed atlets per 329 medaglias d’aur, d’argient e bronz.
- Paucas uras avant l’avertura dals gieus olimpics a Paris han persunas nunenconuschentas commess acts da sabotascha sin divers implants da la rait dals trens rapids TGV. Quai ha communitgà la societad da viafier franzosa SNCF. La notg saja ella daventada unfrenda da plirs acts malizius. Tgi ch’è responsabel per l’attatga e sche quella ha in connex cun l’avertura dals gieus olimpics da questa saira, n’è betg cler.
- En il sid da la Svizra spetg'ins ils proxims dis temperaturas d'enfin 34 grads. Perquai ha la Confederaziun proclamà in avertiment da chalira a partir da dumengia. Quel vala per tut las regiuns bassas sut 600 meters da l'entir Tessin e la Mesolcina. Er durant la notg na saja betg da quintar cun sfradentadas.
Themen in diesem Newsticker
- Quant chaud vegni la fin d'emna?
- Reparaturas sveltas suenter sabotascha dals TGVs
- Al sid smanatscha in'unda da chalira
- Colonnas sin l'A13
- Eroport Basilea-Mulhouse puspè avert
- Amherd per gieus olimpics en Svizra
- Iniziativas da sanadad han fatg naufragi per temas finanzialas
- Obama sustegna candidatura da Harris
- Mesolcina: Via chantunala puspè averta sin in vial
- Swiss sto interrumper sgol da Turitg a Berlin
- Acts da sabotascha sin rait da TGV
- Dapli svieuta per Sunrise
- Da chattar persunal resta ina sfida
- Inscunter tranter Netanjahu e Biden
- Duas victorias svizras en la Conference League
