La communitad da baselgias ed organisaziuns, «Missiun 21», s'engascha dapi 200 onns en l'Africa, l'Asia, l'Europa e l'America Latina. La finamira da lur lavur è la medema sco la sedeschavla finamira da l’agenda da las Naziuns Unidas: pasch, giustia ed instituziuns fermas.
Els lavuran ensemen cun 70 organisaziuns partenarias en 20 differents pajais. La lavur da las collavuraturas ed ils collavuraturs da Missiun 21 è da chattar soluziuns per las dumondas da la societad en ils pajais esters. Per gidar als pajais, scolescha Missiun 21 persunas indigenas da far la lavur.
Nus guardain, co nus pudain sustegnair ils pajais finanzialmain e cun collavuraturs internaziunals.
L’intenziun da derasar la cretta na stat betg en il center.
A nus è quai fitg impurtant cun quai ch'i è nossa ovra d’agid che nus sustegnain dapli decennis.