- L'Institut Otalpin a Ftan scriva vinavant cifras cotschnas. Suenter in minus da 1,9 milliuns francs avant dus onns è sa resultà in minus da 2 milliuns per l'onn da fatschenta 2023/24, quai communitgescha il cussegl d'administraziun a chaschun da la radunanza generala. La raschun per il deficit sajan surtut l'internat e la Sports Academy.
- Il president da l'uniun purila – Markus Ritter – vul daventar cusseglier federal. Quai ha il cusseglier naziunal dal center ditg envers il radio SRF. Ils ultims dis haja el fatg blers patratgs. Ina rolla haja latiers era giugà ils blers chanasters d'ulteriuras candidatas e candidats pussaivels.
- A la radunanza da delegadas e delegads dals Verds è la scheffa da la partida – Lisa Mazzone – sa mussada preoccupada dal trend mundial vers dretga. Betg mo il president american – Donald Trump saja in problem, era tar il Cussegl federal svizzer sa mussian tendenzas che giajan en ina direcziun dretg-conservativa.
- Il president da la partida populara svizra – Marcel Dettling – vul trametter enavos tar il speditur il pachet da contractivas ch'il Cussegl federal ha negozià cun l'UE. El ha numnà quel in «contract da sutmissiun». La PPS vegnia a cumbatter la predominanza da l'UE cun tut ils meds.
Igl ha dà divers buns resultats sportivs oz:
- Valerio Grond è vegnì quart tar la cursa da sprint da la cuppa mundiala da passlung a Silvaplauna en l'Engiadina.
- Aita Gasparin è vegnida 8avla tar la cursa da persecuziun da Biatlon en il Tirol dal Sid.
- Andri Ragettli ha fatg argient en il slopestyle als X-Games ad Aspen en ils Stadis Unids da l'America.
- Alexis Monney è vegnì segund a la cursa rapida a Kitzbühel e Corinne Suter è terza a la cursa rapida a Garmisch-Partenkirchen.
La survista dal di:
Themen in diesem Newsticker
- Elecziuns en il Belarus èn «affrunt cunter la democrazia»
- Slovachia: Robert Fico sclauda demissiun
- USA: Kristi Noem è ministra per la segirtad interna
- Demonstraziuns encunter populissem da la dretga en Germania
- Institut Otalpin fa in minus da dus milliuns francs
- Valerio Grond manchenta be cnap il podest a Silvaplauna
- Biatlon: Aita Gasparin fa 8avla
- L'Italia vul turnar fugitivas e fugitivs en l'Albania
- Verds teman tendenzas dretgas – PPS crititgescha contracts cun UE
- Israel – Hamas: Barat d'ostagis e praschuniers cuntinuescha
Podcast
RTR – Il di
Ulteriurs audios e podcasts
La survista dal di cun las pli impurtantas novitads per tadlar curt e cumpact.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.