- Il Forum mundial d’economia WEF a Tavau ha oz gì ils emprims highlights. Il president da l’Ucraina – Wolodomir Selenski – ha tegnì in pled ed appellà a l’Europa da tegner ensemen. L’Europa crodia en plis champs enavos. Per pudair sa defender encunter la Russia e mussar l’impurtanza dal continent a la nova regenza americana stopia l’Europa dentant esser a la testa e mussar fermezza unida.
- Il pled d’avertura al WEF ha la presidenta da la Confederaziun Karin Keller-Sutter tegnì. Concurrenza libra, instituziuns statalas stabilas e finanzas da stadi saunas sajan las premissas per il beinstar dals pajais e da la populaziun. Vinavant stoppian ils stadis proteger lur libertad cun reglas. Dentant stoppian era las interpresas surpigliar responsabladad e s’engaschar per formaziun, ambient e societad. Persuenter ha Keller-Sutter empermess engaschament da la Svizra sin plaun naziunal ed internaziunal.
- Elisa Gasparin terminescha sia carriera per la fin da la stagiun actuala. Quai scriva SwissSki en ina communicaziun. Il punct culminant vegnian ad esser ils Campiunadis mundials da biatlon a Lai, il dachasa da la biatlonista da 33 onns. Ensemen cun sia soras Selina ed Aita, tutga Elisa Gasparin tar las pionieras dal sport da biatlon. L'emprima cursa en la cuppa mundiala ha ella fatg l'onn 2010. Dapi lura ha ella fatg part a 300 concurrenzas sin pli aut nivel – ed era cun quai er part dal svilup rasant en la disciplina, scriva SwissSki. Ensemen cun sia sora Selina tutga Elisa Gasparin tar las punieras dal sport da biatlon en Svizra.
Il di en survista
Themen in diesem Newsticker
- Trump vul abolir dretg a naziunalitad tras naschientscha
- WEF: Berset e Jans discuteschan decisiun Senioras per il clima
- Recurs cunter tur da Cuira Vest davant Tribunal federal
- Stadis Unids sortan da la WHO – e vegnan crititgads
- Schlet ieli en 3,3% d'ustarias grischunas e glarunaisas
- Australian Open: Djokovic cuntanscha mezfinals
- Selenski appellescha a collavuraziun tranter pajais europeics
- Sanaziun dal tunnel da Lötschberg
- Slalom gigant a Kronplatz: Lara Gut-Behrami vegn segunda
- Selenski è arrivà al WEF
Podcast
RTR – Il di
Ulteriurs audios e podcasts
La survista dal di cun las pli impurtantas novitads per tadlar curt e cumpact.
Abunar
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.