La Dretgira administrativa dal chantun Grischun ha dacurt sentenzià duas persunas perquai ch'ellas n'han betg declerà entradas dal WEF en la taglia. Quai scriva la gasetta Südostschweiz. Las duas persunas domiciliadas en il chantun Turitg hajan affittà durant il WEF 2019 e 2020 ina chasa da vacanzas per mintgamai 10'000 francs è betg declerà quai en la taglia.
La dretgira administrativa dal chantun Grischun ha sentenzià las duas persunas ad in chasti da radund 3'000 francs. Sche las persunas accusadas acceptan la sentenzià na saja betg enconuschent. Tar la chasa da vacanzas sa tractia dad ina abitaziun cun trais chombras ed in bogn.
Adattà al tema
Pretschs auts durant il WEF dattan adina puspè da discuttar, surtut sch'i va per abitaziuns. Il Telesguard è ì sin ils fastizs dal tema.
