La regenza grischuna ha approvà la part dal guaud dal project da megliuraziun generala da Veulden. Ella ha deliberà ina contribuziun chantunala da maximalmain radund dus milliuns francs.
Ensemen cun la part agricultura ha il project l'intent da meglierar las cundiziuns da cultivaziun d'agricultura e da la selvicultura. Tranter auter vegnan las vias forestalas schlargiadas a trais meters. Uschia daventa l'access pli segir – quai che vegnia dabun als transports da laina e la cultivaziun dal guaud. Ils trassés da las vias existentas na vegnan betg midads.