Il glindesdi era vegnì annunzià ina midada da tariffas – ensemen cun la midada da l’urari dal traffic public ils 10 da december. En l'interess dal clima stoppia la creschientscha dals custs tar il traffic public vegnir cuvrida entras il chantun e betg entras pendularis, utilisadras u turists, uschia il VCS. Il chantun possedia las resursas e cumpetenzas necessarias per ina midada. Gist il Green Deal saja adattà per quai, scriva il VCS vinavant.
Ed er en general stoppian ins reponderar: la Confederaziun stoppia spargnar tar il traffic public, vul dentant il medem temp dar ora 13 milliardas francs per extender las vias naziunalas svizras. Cun la midada da l'urari dal traffic percunter è il VCS cuntent. I vegnia fatg bleras adattaziuns impurtantas.
