Valposchiavo Turismo survegn in nov directur: A partir dal fanadaur mainia Thomas Fries la destinaziun e sias purschidas. Quai ha communitgà l'organisaziun turistica. Fries succeda a Kaspar Howald che banduna l'organisaziun turistica suenter 10 onns en uffizi.
Thomas Fries ha 42 onns ed è oriund dal Saarland en Germania. Suenter diversas experientschas professiunalas, era en l'exteriur, viva el dapi 15 onns ad Olten. El ha studegià geografia durant in onn e lura midà en il studi da teologia e filosofia. El ha promovì en teologia ed è sa spezialisà sin la spiritualitad. El ha ina scolaziun supplementara da coaching e da mediaziun ed ha acquistà avant curt in master da management.
Thomas Fries vegnia cun in portfolio d’experientschas e da scolaziun profund per las incumbensas vegnintas. Latiers tutgan experientschas operativas en il turissem, experientscha pratica da manar in team sco era experientschas strategicas da concepir e manar purschidas da cultura e da furmaziun sco era da projects.