Christian Rathgeb, il cusseglier guvernativ responsabel, ha reagì e tramess dapli polizists per marcar preschientscha e far dapli controllas. Uss che la criminalitad è ida enavos sin bunamain 0, n'è il president communal da Roveredo, Alessandro Manzoni, betg pli cuntent cun las controllas. I na giaja betg mo per prevenziun, mabain per far daners.
Perquai giavischa el uss damain controllas ed ha er communitgà quai a Christian Rathgeb. El vegnia a sclerir, tge ch'è il problem. Pli paucas controllas na vegnia quai dentant betg a dar, di il cusseglier guvernativ. Uschia che la Mesolcina sto era en il futur quintar cun dapli controllas.
RR Actualitad bunura 06:00