Valladas talianas - Accident mortal sin l’A13 a Roveredo
A Roveredo hai dà in accident mortal la notg da dumengia sin glindesdi. In auto ord da l’Albania da viadi dal chantun Tessin en direcziun dal tunnel dal San Bernardino è collidà frontal cun in auto che vegniva encunter. La manischunza da l’auto che vegniva encunter è morta a lieu da l’accident.
Sco la polizia chantunala scriva era in auto ord da l’Albania da viadi dal chantun Tessin en direcziun San Bernardino. Alura è il manischunz dal auto vegni sin il fuass vial en il tunnel San Fedele ed è collidà frontalmain cun in auto cun numers tessinais che vegniva encunter. La manischunza da 67 onns è morta anc al lieu d’accident. Il manischunz da l'auter auto in um da 26 onns è vegnì blessà levamain.
Pervia da las lavurs da rumida è l'A13 stada serrada durant quatter uras.
Legenda:
L'accident mortal sin l'A13 en il tunnel San Fedele.
Polizia chantunala