Bianca Barandun ha survegnì il premi d'art da l'Uniun grischuna d'art. L'artista (*1984) viva e lavura a Rodels ed ad Essen en Germania. Il premi d'art survegn ella per sias ovras da la lingua e sia transfurmaziun, nua ch'ella visualisescha raquints e regurdientschas collecziunadas en intervistas. Questas resultan en dissegns abstracts che servan sco inspiraziun per cumposiziuns digitalas, communitgescha l'Uniun grischuna d'art. Uschia vegnia mantegnida l'essenza oriunda da la memoria - però il medem temp era evotgadas novas associaziuns.
Cun la distincziun po l'artista grischuna exponer sias ovras en il Museum d'art dal Grischun cun ina preschientscha individuala en il rom da l'exposiziun annunala da las artistas e dals artists grischuns il 2024.
