-
Bild 1 von 4Legenda: Radund 80 persunas èn stadas preschentas tar l'occurenza d'infurmaziun a Küblis. MAD -
Bild 2 von 4Legenda: In parc da natira internaziunal cun territori en il Partenz, il Principadi da Liechtenstein ed il Vorarlberg. MAD
-
Bild 3 von 4Legenda: Tar in parc da natira na dess quai betg restricziuns sco tar in parc naziunal. MAD
-
Bild 4 von 4Legenda: En sis rundas è vegnì discutà davart schanzas e ristgas d'in parc natiral. MAD
Betg mo infurmaziuns èn vegnidas preschentadas gievgia saira. Igl intent da la saira d'infurmaziun era che las 80 persunas vegnian er sez a pled. «Ils preschents han collavurà fitg bain ed han s'engaschà en ils workshops che nus avain fatg. Quai che pertutga la participaziun da la populaziun essan nus optimistics per il futur», declera il sviluppader regiunal dal Partenz e Tavau, Georg Fromm. L'integraziun da la populaziun en il project è tenor el in punct central per realisar la visiun d'in parc da natira. Quel duai avair ina surfatscha da 850 kilometers quadrat.
Memia bleras restricziuns – in pregiudizi
En sis rundas èn vegnidas discutadas las schanzas e pussaivladads, ma er las ristgas ch'in parc da natira porta. Quai èn differents secturs sco per exempel turissem e commerzi u cultura e societad.
«Tar las schanzas e pussaivladads hai dà ina gronda paletta d'ideas. Era la collavuraziun sur ils cunfins cun il Vorarlberg ed il Principadi da Liechtenstein vegn vesì sco schanza.»Tar las ristgas saja vegnida numnada oravant tut la resalva ch'il parc da natira portia memia bleras restricziuns. En la regiun dal parc stoppia dar in svilup persistent. Dentant na dettia betg restricziuns sco tar in parc naziunal, uschia Fromm. «Quai vegnin nus a stuair tematisar adina puspè.» Quest pregiudizi stoppia vegnir eliminà.
RR actualitad 12:00