Ulteriur Grischun - Arosa: Avert Parc d'urs cun festa e prominenza
Il venderdi suentermezdi hai dà ina gronda festa d'avertura cun bun 300 giasts envidads, tranter els blera prominenza e medias da l'entira Svizra. Er la cussegliera federala Doris Leuthard ha tegnì in pled da festa ed ha avert uffzialmain il Parc d'urs ad Arosa.
Suenter otg onns lavur ed investiziuns da bun 6,5 milliuns francs è l'avertura stada il punct culminant – tant per ils represchentants dal turissem e da la vischnanca dad Arosa sco er per ils responsabels da l'organisaziun «Vier Pfoten». L'organisaziun ha procurà che l'urs Napa survegnia ad Arosa in nov da chasa suenter blers onns sut fitg schlettas cundiziuns en in chaset bler memia pitschen, sco anteriur urs da circus en la Serbia.
La fin d'emna dals 4 e 5 d'avust, sonda e dumengia, ha in e scadin pudì visitar il nov parc d'urs durant ils dis da las portas avertas. E la glieud è vegnida en fullas: Var 6000 visitaders èn la fin d’emna stads ad Arosa per dar in tgit.
01:46
video
Napa sto endisar vida il nov da chasa
Or da sil punct dals 06.08.2018.
laschar ir. Durada: 1 minuta 46 Secundas.
1 / 15
Legenda:
L'urs Napa giauda sia nova libertad
ed attira l'attenziun da blers giasts.
RTR, Gion Gieri Flepp
2 / 15
Legenda:
Napa ha passa 3 ha terren be per el
Quai è insatge tut nov per l'urs che ha vivì blers onns en in fitg pitschen chaset.
RTR, Gion Gieri Flepp
3 / 15
Legenda:
I dat bler da scuvrir en il parc d'urs ad Arosa.
RTR, Milena Vicenz
4 / 15
Legenda:
L'urs Napa
giauda ses nov da chasa.
RTR, Milena Vincenz
5 / 15
Legenda:
Cussegliera federala Doris Leuthard
ha tegnì in pled da festa per l'avertura.
RTR, Gion Gieri Flepp
6 / 15
Legenda:
Da sanester: Revista da Carsten Hertwig (Vier Pfoten), Pascal Jenny (Parc d'urs) e Hans Schmid (Parc d'urs).
RTR, Gion Gieri Flepp
7 / 15
Legenda:
Bun 300 persunas e tranter ellas blera prominenza
eran envidadas a la festa d'avertura il venderdi suentermezdi.
RTR, Gion Gieri Flepp
8 / 15
Legenda:
En l'intern da la plattafurma
hai tranter auter ina exposiziun cun infurmaziuns davart urs sco Napa or da fitg schlettas cundiziuns.
RTR, Gion Gieri Flepp