Cun l'emna vulan ins sensibilisar la glieud. Ils organisaturs sa mettan en per che las scolas autas daventan pli ecologicas. Vinavant vulan ins mussar las differentas pussaivladads sco ch'ins pudess reducir rument. Betg il problem, mabain la soluziun duess esser en il center da l'emna.
Nus na vulain betg mussar avant ad insatgi co ch'ins ha da viver
Era na dastga il divertiment betg ir a la curta. Cun in concert da benefiz ed preschentaziuns da films che han da far cun l'ecologia vulan ins attrair uschè bleras persunas sco pussaivel.
«La persistenza è in pled vast»
Sper activitads ch'han directamain da far cun l'ecologia – sco referats «viagiar pli ecologic» – datti era in «PoetrySlam» u curs da yoga. Sco la presidenta dal «Student HUB» Salomé Barrer declera, includa la persistenza er l'aspect social. Esser perina cun sasez e s'exprimer cun poesia po era tutgar tar la persistenza.
Dapli da l'emna da persistenza naziunala
RR actualitad 17:00