Legenda:
La Scol'auta da pedagogia a Cuira ha adina dapli studentas e students.
RTR
cuntegn
Ulteriur Grischun - Scol'auta da pedagogia dovra dapli plaz
Cun agid d'in provisori fa la Scol'auta da pedagogia a Cuira frunt al dumber creschent da studentas e students. Duvrà sco provisori vegn in bajetg da lain cun 8 stanzas da scola ch'era fin uss en diever per la scola chantunala. Quai scriva il Bündner Tagblatt.
Il provisori duai servir plirs onns ha ditg il rectur da la Scol'auta da pedagogia dal Grischun, Gian-Paolo Curcio. Ina sanaziun dals bajetgs existents na saja numnadamain nagin tema ils proxims onns.
Gia l'onn 2010 aveva la Scol'auta da pedagogia decidì da schlargiar il campus cun dus auditoris ed ina medioteca pervi dal grond dumber da studentas e students.
