La raschun saja che la Halla d'ir a chaval SA haja refusà ina proposta da la citad per midar lieu. Quai ha declerà il president da Cuira Urs Marti, sin dumonda dal Bündner Tagblatt. Ils chavaltgaders na sajan betg cuntents cun l'offerta da la citad per desister da lur contract da dretg da construcziun che scada il 2023.
Cun quai èsi da quintar che la construcziun dal nov stadion da ballape planisà en il rom dal project «Eisball» survegn retard. En consequenza na vaia era betg uschè spert enavant cun midar il diever da la plazza da sport Ringstrasse.
RR novitads 06:00