Legenda:
La populaziun da Domat dat ferm sustegn a ses club da ballape che dumbra 20 squadras e 400 commembers.
RTR, U. Lechmann
cuntegn
Ulteriur Grischun - Nova chasa da club per il CB Domat
A Domat ha il club da ballape inaugurà uffizialmain la nova chasa da club. L’inauguraziun è sa sviluppada ad ina festa populara, rapporta il «Bündner Tagblatt».
En preschientscha dal cusseglier guvernativ Mario Cavigelli, da la scheffa da la EMS-Chemia Magdalena Martullo-Blocher ed auters giasts è la nova chasa vegnida averta e mussada a la publicitad.
Il sustegn dal project cun 500’000 francs entras la vischnanca era vegnì cumbattì da la PPS Domat cun in referendum. Ma a l’urna aveva la populaziun da Domat refusà quel.
Totalmain ha la nova chasa da club custà 1,8 milliuns francs.
