Legenda:
Il butin dals laders eran las cassas da collecta e las cassas da chandailas. (Maletg simbolic)
Keystone
cuntegn
Ulteriur Grischun - Enguladitsch en sis baselgias en Grischun
La fin d'emna han nunenconuschents rut en en diversas baselgias catolicas tranter Cuira e Tusaun. Lur butin: plirs tschients francs or da las cassas da collecta.
Trais da las sis baselgias sa chattan a Cuira, las autras a Domat, Cazas e Tusaun. En quellas han ils nunenconuschents engulà ils raps ord las cassas da collecta sco era ord las cassas da chandailas. Il donn da material sco era la summa engulada è tar in per tschients francs.
Sco la polizia chantunala ha ditg envers RTR, supponan els che tut ils enguladitschs tutgan tar ina seria. E la polizia spera sin agid da la populaziun. Tar indizis pon ins s'annunziar tar il proxim post da polizia.
