Messadi da Cuira
Be 86 vuschs han decis: Ils da Cuira dian stetgamain na a l'iniziativa «Per dapli spazi da viver pajabel». 6'678 persunas han ditg na, 6'592 persunas gea.
Na ad iniziativa ed a cunterproposta
L'iniziativa dals Socialdemocrats aveva pretendì da stgaffir dapli spazi da viver pajabel en la citad da Cuira, cunzunt per famiglias e per la classa mesauna. Sco la PS Cuira aveva scrit, na possia questa part da la socitead savens betg pli finanziar in'abitaziun aifer la citad.
Il parlament da la citad era da l'avis che las leschas actualas tanschain ed aveva lantschà ina cunterproposta. Quella avess laschà liber pli bler, e vuleva reglar dapli sur la lescha che sur la constituziun. Dentant er questa cunterproposta è vegnida refusada.
RR novitads 15:00
