La Polizia da la citad da Cuira ha fatg il venderdi saira ina controlla da spertadad. En total èn vegnids mesirads passa 1’000 vehichels, da quests eran 171 charrads memia spert.
Sin il sviament sid è in um da 49 onns charrà cun ses auto cun 137 km/h enstagl dals 80 lubids. L'um ha stuì dar giu immediat ses permiss da charrar. Plinavant ha la polizia denunzià in manischunz giuven perquai ch'el n'è betg sa tegnì vid il scumond d'alcohol per manischunzs giuvens.
