Gia dapi blers onns manchenta la citad da Cuira d'incassar avunda taxas per ils stabiliments d'aua persa publics. Finanziads vegnan quels cun daners da taglia. Uss augmenta la regenza grischuna la taxa.
Tenor Martin Jäger, il cusseglier guvernativ responsabel per il departament da protecziun da l’ambient, saja l'incumbensa da la vischnanca d'incassar avunda daners per bajegiar, manar, mantegnair e sanar u remplazzar stabiliments per auas persas.
Tuttas vischnancas sa tegnan vi da la lescha, mo Cuira betg. Quai na va betg.
Ils ultims onns haja il cussegl da la citad pliras giadas empruvà da realisar pass per midar quai. Sco quai ch'il chantun scriva, saja el tenor dretg federal obligà d'intervegnir sch'ina vischnanca na saja betg en cas d'incassar taxas d'aua persa confurmas a la lescha.
Per Tom Leibundgut n'è la decisiun da la regenza nagina surpraisa. Il cusseglier da la citad ha gia quintà che la regenza dal chantun Grischun reageschia.
Igl è quai che nus avain spetgà.
RR novitads 09:00 / RR actualitad 17:00