Ulteriur Grischun - Arche Nova survegn sustegn finanzial dal chantun
L'Arche Nova, il center da dimora e d'occupaziun a Landquart, po vegnir engrondì. Il chantun garantescha ina contribuziun da maximalmain 1,52 milliuns francs persuenter. Cun la renovaziun e l'engrondiment vulan ils Servetschs psichiatrics dal Grischun centralisar lur plazzas d'abitar.
Cun la renovaziun e l'engrondiment dal center da dimora e d'occupaziun a Landquart vulan ils Servetschs psichiatrics dal Grischun (SPGR) centralisar lur plazzas d'abitar.
Per pudair satisfar a las dumondas per plazzas or dal territori dals Tschintg Vitgs, da Maiavilla e dal Partenz davant vulan ils SPGR engrondir l'Arche Nova a Landquart cun duas plazzas d'abitar protegidas e cun quatter plazzas da structuras dal di protegidas, scriva la regenza.
Actualmain è l'Arche Nova repartida sin quatter lieus cun Landquart, Vaz Sut, Igis e Schiers. Cun engrondir il center a Lanquart pudess vegnir schliada la gruppa d'abitar a Schiers.